تۈركچە «چاغداش ئۇيغۇر شېئىرلىرى گۈلدەستىسى» ناملىق كىتاب يازغۇچىلار ئۇيۇشمىسى نامىدىن ئىستانبۇلدا نەشر قىلىندى
ئىككى يىلدىن بېرى تەييارلىنىپ بولغان بولسىمۇ، ۋىرۇس سەۋەبى بىلەن نەشىر قىلىنىپ بولالماي قالغان «چاغداش ئۇيغۇر شېئىرلىرى گۈلدەستىسى»، قايتا-قايتا كۆرۈش، تەھرىرلىنىش، تاللاشلاردىن كېيىن ئاخىرى نەشىر قىلىندى. تۈرمىدىكى ئۇيغۇر ئەدىب ۋە شائىرلىرىمىزغا قولۇمدىن كەلگەن بۇ ئاددىي ھېيتلىق ھەدىيەنى سۇنالىغانلىقىمدىن تۇلىمۇ خۇشالمەن. بۇ مۇناسىۋەت بىلەن تەرجىمە جەيرانىدا يېقىندىن ياردەمدە بولغان شائىر ۋە ئەدەبىي تەرجىمان دوستۇم Erkan Kadir غا، نەشىرىيات ئالاقىسىنى ساقلىغان دوستۇم İmran SADAî غا، كىتابنى تەرجىمىگە ئۇيۇشتۇرغان دۇنيا ئۇيغۇر يازغۇچىلار ئۇيۇشمىسى World Uyghur Writers Union غا، ئىقتىسادىي جەھەتتىن ياردەمدە بولغان ئۇيغۇريار فوندىغا، بۇ جەيراندا ئالاھىدە ياردەمدە بولغان تاھىر ھامۇت، Qumtur Qumtur غا كۆپ رەھمەت ئېيتىمەن.
كىتابقا ۋەتەن ئىچى-سىرتىدىكى شائىرلاردىن بولۇپ 38 شائىرنىڭ شېئىرلىرى كىرگۈزۈلدى. تۇنجى بېسىلىشى 1000 پارچە بېسىلدى. كىتاب ھەقىقەتەنمۇ تۈرك ئوقۇرمەنلەرگە تەۋسىيە قىلغۇدەك دەرىجىدە سۈپەتلىك چىقتى، شۇڭا قىممەتلىك دوستلارنىڭ ئەتراپىڭلاردىكى تۈرك دوستلىرىڭلارغا تەۋسىيە قىلىپ قويۇشۇڭلارنى، ئىجتىمائىي تاراتقۇلاردا تەشۋىق قىلىپ قويۇشۇڭلارنى ۋە سېتىۋېلىپ سوۋغا قىلىشىڭلارنى سەمىمىي ئۈمىد قىلىمەن. _ تەرجىماندىن